2011-mi aningaasarsiornikkut siuariarneq 3,2 pct.-iuvoq
Tunisassiornerup nalinga (Bruttonationalprodukt, naalisarlugu BNP) 2011-mi 3,2 pct.-imik qaffariarpoq, akit qaffakkiartornerat ilanngaatigereerlugu. Nunap iluani pisiumassuseq ataatsimut isigalugu annertuseriarsimavoq, taamaallaat inoqutigiit atuinerat annikilleriarsimalluni. Ataatsimut oqaatigalugu Kalaallit Nunaata aningaasaqarnera ukiuni kingullerni siuariartorsimavoq, ukioq 2009-mi kinguariarsimanerup kingorna.
Titartagaq 1. Tunisassiornerup nalinga (BNP), akit qaffakkiartornerat peerlugu
Malugiuk.: 2003-2008-mi kisitsisit inaarutaasuupput, 2009-2011-mili kisitsigallarnerullutik.
Najoqqutaq: Naatsorsueqqissaartarfik
Nuna tamakkerlugu naatsorsuutini ingerlatsiviit atorfeqarfiillu branchenut pingaarnernut 32-nut agguataagaapput. Tunisassiornerup tamakkiisup taakkununnga branchenut agguataarnerata pisinnaalersippaa inuussutissarsiutit sannaanik misissueqqissaarsinnaalerneq. Branchet 32-iusut paasiuminarsarnerisigut ikinnerulersillugit titartagaq 2-mi saqqummiunneqarput.
Inuussutissarsiorfik Pisortat inuinnaallu kiffartuussinerat inuussutissarsiutini annerpaatut inissisimavoq, inuiaqatigiinnilu tunisassiornerup tamakkiisup 35 pct.-ianik pilersitsiffiulluni. Inuussutissarsiutip imarivai pisortat kiffartuussinerat allaffissornikkut, peqqinnissaqarfeqarnikkut, ilinniartitaannermik ingerlatsinikkut il. il. Assartuineq, post aamma tele tunisassiornerup tamakkiisup iluani 19 pct.-imik pilersitsiffiuvoq. Aalisarneq, piniarneq aammalu Industri katillutik tunisassiornerup 12 pct.-erluinnaa pilersippaat. Tassani malugineqassaaq fabrikkit aalisakkanik qalerualinnillu suliarinnittartut Industrimi ilaatinneqarmata.
Titartagaq 2. Inuussutissarsiutit naleqarnerulersitsinerisa agguataarnera 2011, akit aalajangersimasut 2005-imeersut atorlugit
Najoqqutaq: Naatsorsueqqissaartarfik
Titartagaq 3-mi takuneqarsinnaavoq naleqarnerulersitsisarnermik pilersitsisarneq qanoq inuussutissarsiutinut agguataartarnersoq. Tunisassiorneq (tungujortut), kiffartuussiviit (qorsuit) taavalu pisortat inuinnaallu kiffartuussinerat (qasertoq).
Titartagaq 3. Naleqarnerulersitsinerup ineriartornera, akit aalajangersimasut 2005-imeersut atorlugit
Malugiuk.: 2003-2008-mi kisitsisit inaarutaasuupput, 2009-2011-mili kisitsigallarnerullutik.
Najoqqutaq: Naatsorsueqqissaartarfik